naya parinda...........
udane ka jab bhi koshish karta hai ye
ajeeb ajeeb khayaal karta hai ye
kabhi unchaai,kabhi anchaahe vatan se darta hai ye
jeene ki aas liye bina mare hi marne ke dar se har saans me marta hai ye
na hai apane pankho pe aitbaar isey,na apni udaan ki had ko samjhta hai ye
man hi man me ,ek chaalaak parindey ki tarah bebaak firane ko machalta hai ye
ye darta bhi hai,tamannaye karta bhi hai
door jaana bhi hai,lekin puraane ghosle me aashiyaan banaana bhi hai
unchaaiya haasil karna bhi hai isko,apno ka sath nibhaana bhi hai.
jaanana chhahta hai apni haddo ko ye, maa ka laaya hua daana khaana bhi hai
asamanjas me ye parinda apni udaan ki
kaise naa jaaye apno ko chhod ke,
ki unhi apno ko khule aasmaan ka parinda banake dikhaana bhi hai
bekhauf is man ke parindey ko mat roko
na iske chalne ke andaaz naa hi raftaar ko toko
ki kai muddato se raha hai ye duniya ke pinjare mein
ab ise or taur tareeke ki aag me mat jhoko
ki tu jaa aaj,or chheer de ambar ki chhati ko
mat soch ki kaise udana hai,bus aasmaa ko gale laga ley
ghul ja isake rang me,mil jaa isake sang me
itna uncha ud jaa ki dharti tujhe salaam karey
itni tej raftaar bana,ki hawaa bhi tujhse dara karey
par itni door mat jaana ae parinde
ki waapas us ghosle ka rukh na kar sakey..
Artwork Comments